Ghar me Plaster of Paris (POP) false ceiling lagwate waqt aksar customers ke zehn me ye sawal hota hai ke ceiling ko chhat (lanter) ke sath pakad ke rakhne ke liye konsa material istemal kiya jata hai aur us ki mazbooti kitni hoti hai.
Ek mazboot aur safe false ceiling ke liye bunyadi fittings aur support structure ka meyar sab se zaroori hota hai. Humari team kaam ke dauran jin makhsoos aur standard materials ka intikhab karti hai, un ki tafseelat darj zail hain:
1. Lanter Fitting: 10 Number Hook Aur Nylon Gitti
POP ceiling ki bunyad lanter me lagaye jaane wale hooks par hoti hai jo poore structure ka wazan uthate hain:
- 10 Number Nylon Wall Plugs (Gitti): Concrete chhat me hammer drill machine ki madad se soorakh karke high-density 10 number nylon gitti fit ki jaati hai. Ye gitti concrete ke andar phool kar rock-solid grip banati hai
- 10 Number Iron Screw Hooks: Gitti ke andar 10 number iron screw hook ko screwdriver ya plier se mukammal kasa jata hai taake kisi kisam ki lachak na rahe.
- Weight Capacity: Sahi tarike se fit kiya gaya ek 10 number hook taqriban 40Kg tak ka wazan aasani se utha sakta hai.
2. Structure Support Material: Patson, Shaar Ya Munj Ka Istemal
Lanter me hook fit karne ke baad ceiling sheets ko pakad kar rakhne ke liye support material ka istemal kiya jata hai. Market me is material ko alag alag naamon se pukara jata hai:
- Patson / Shaar / Munj: Ye natural fiber ke reshe hote hain. Is ko Patson, Shaar ya Munj me se kisi bhi naam se pukara jaye, kaam aur mazbooti ke meyar me koi fark nahi hota.
Support Lagane Ka Sahi Tarika Aur Mazbooti:
- Maal Me Bhigona Aur Fitting: Is material ko POP ke tayar wet paste (maal) me achhi tarah dabo kar upper hook ke sath lapeta jata hai aur niche ceiling sheet par press kar diya jata hai.
- Fast Drying Time (30 Minute): Shuttering ka kaam kholne me jahan kai din lagte hain, wahan ye support maal me mil kar taqriban 30 minute ke andar andar mukammal kadak aur sookh kar pakka rigid pillar ban jata hai.
- Weight Capacity Aur Sheet Balance:
- POP ceiling ki ek standard sheet ka wazan taqriban 5Kg hota hai.
- Ek 5Kg ki sheet ko rokne ke liye hum 5 solid supports lagate hain.
- Ek single support pillar taqriban 40Kg tak ka wazan uthane ki salahiyat rakhta hai.
Jab 5Kg ki sheet par kul 200Kg tak wazan uthane jitni supports (5 pillars) lagi hon, to ceiling ki mazbooti aur safety ka koi muqabla nahi rehta.
3. Ceiling Ke Jodon (Joints) Aur Deewar Ki Pakad Ke Liye Nariyal Ka Istemal
False ceiling me sirf sheets ko ooper se latkana hi kafi nahi hota, balki sheets ke aas paas banne wale tamam jodon (joints) aur deewar ke sath pakad ko seamless aur mazboot banana sab se zaroori marhala hota hai.
Full Joint Filling Aur Cracking Se Bachao
- Complete Joint Bandahi: Sheets ke darmayan banne wale har jor (joint) par POP maal ke sath bhigoya hua nariyal ka chhilka (coconut fiber / patson) lagaya jata hai.
- Cracking Ka Khatra Khatam: Agar kisi jor par maal kam lagaya jaye ya jagah khali chhor di jaye, to waqt ke sath wahan se darar (cracks) aane ka khatra hota hai. Isi liye hum poore jor par bina kisi gap ke mukammal bharrayi karte hain.
Deewar Ke Sath Ceiling Ki Grip
- Wall Connection Support: POP ceiling ko deewar ke sath jor kar rakhne ke liye bhi nariyal ke chhilke ko wet maal me achhi tarah dabo kar deewar aur sheet ke jor par lagaya jata hai.
- Equal Balance Aur Rigid Grip: Ye tariqa tamam jodon ko ek barabar level par rok kar rakhta hai aur ceiling ko charon taraf se deewar ke sath ek solid grip deta hai, jis se ceiling kabhi apni jagah se hilne ya jhukne nahi pati.
4. Sheet Support Measurement Aur Grid Distribution
Poori chhat ko ek jaisa aur balanced support dene ke liye makhsoos meyaari faaslay par supports lagayi jaati hain:
- Sheet Ka Size: POP ceiling me istemal hone wali ek standard sheet ka size 2ft x 2ft hota hai.
- 5 Point Supports: Har 2×2 ki sheet ko rokne ke liye 5 supports lagayi jaati hain — 4 supports sheet ke chaaron konon par aur 1 support bilkul darmayan (center) me.
- Faasla (Spacing): Is hisab se poori ceiling me har support ke darmayan taqriban 18 se 19 inch ka faasla hota hai. Ye grid structure poori chhat ko ek barabar weight distribution aur solid balance daita hai.
5. Patson Support Vs Binding Wire (Taar Wali Ceiling)
Market me false ceiling ko hang karne ke liye do tarike istemal kiye jaate hain: Patson/Shaar Support aur Gi/Binding Wire (Taar). Customers ke zehn me Aksar ye sawal hota hai ke dono me se konsa tariqa ziada behtar hai:
Regional Preference (Ilaqayi Istemal)
- Karachi & Southern Region: Karachi aur aass paas ke ilaqon me sab se ziada Patson / Shaar Support tariqa istemal hota hai. Is me niche iron pipes/pipes ki temporary support di jaati hai aur maal sookhne par usay hata diya jata hai.
- Punjab Region: Punjab side par Binding Wire (Taar) aur Patson dono tarike ba-khasoosi istemal kiye jaate hain.
Vibration Aur Cracks Ka Muwazna
- Taar (Wire) Wali Ceiling: Wire flexible hoti hai jis ki wajah se ceiling me halki vibration (larch) reh jaati hai. Is vibration ki wajah se waqt ke sath ceiling ke jodon (joints) par ziada dararein (cracks) aane ka imkan hota hai.
- Patson / Shaar Support: Jab Patson wet POP maal me mil kar sookhti hai to ek rigid, sakht pillar ban jaati hai. Is me vibration zero hoti hai, jis se jodon par cracks aane ka khatra khatam ho jata hai.
6. Ceiling Girne Ki Haqeeqat Aur Afwahein
Internet aur social media par false ceiling girne ke hawale se boht si afwahein phelayi jaati hain. Asal haqeeqat darj zail hai:
Afwah Vs Haqeeqat
Aksar videos me jo ceiling tooti hui dikhayi jaati hai, woh kisi kharabi ki wajah se nahi girti. Jab ghar ke malik 2-3 saal baad naya design banwane ke liye purani ceiling tudwate hain, to log us ki video bana kar internet par jhoote titles ke sath upload kar dete hain. Normal halat me koi bhi ceiling khud se nahi girti.
Ceiling Girne Ki Asal Wajah: Seem (Moisture & Water Leakage)
Sahi tarike se banayi gayi ceiling tabhi gir sakti hai jab chhat me seepage ya seem (paani) ka masla ho:
- Hook Ka Dheela Hona: Agar lanter me jahan hook laga hai wahan paani ya seem pohnch jaye, to concrete aur gitti ki pakad dheeli ho jati hai aur hook bahar nikal sakta hai.
- Plaster Ka Ukhadna: Seem ki wajah se chhat ka mool plaster gila ho kar jharne lagta hai, jis se POP support pillar ki pakad ukhad jaati hai.
- Rusting (Zang): Agar ceiling me taar (wire) ka istemal ho aur ooper se nami aaye to taar ko zang lagne se us ki wazan uthane ki taqat kam ho sakti hai.
Result (Nateeja)
Dono hi tarike (Patson aur Taar) apni jagah karguzar hain agar karigar sahi tarike se kaam kare. Lekin vibration na hone, behtar joint filling aur long-term durability ki wajah se Patson/Nariyal support system sab se ziada mazboot aur safe mana jata hai.
Aap ki ceiling ki mazbooti ka asal raaz meyaari material aur sahi karigari me hai!
Conclusion: Karachi Me Meyari POP Ceiling Services Ke Liye Hum Se Raabta Karein
Plaster of Paris (POP) false ceiling ki mazbooti aur khubsurti ka sara daromadar sahi material aur tajurbekar karigari par hota hai. Hum 10 number hook fitting, high-quality Patson/Coconut fiber support aur seamless joint filling ke sath aap ke ghar ko ek paidar aur safe ceiling look dete hain.
Agar aap Karachi me kisi bhi jagah ya khas tor par Shah Latif Town aur is ke aas paas ke ilaqon me munasib qimat me meyaari false ceiling ka kaam karwana chahte hain, to humari professional team aap ki khidmat ke liye hazir hai.
Humari Khidmat In Ilaqon Me Dastiyab Hain:
Hum Shah Latif Town ke alawa niche diye gaye qareebi ilaqon me bhi complete POP false ceiling installation aur design services provide karte hain:
- Shah Latif Town
- Steel Town
- Gulshan-e-Hadeed
- Bin Qasim Town
- Pipri
- Quaidabad
- Landhi
- Malir Town
Aap apne ghar, office ya shop me naya design banwane ya ceiling ki fitting ke hawale se kisi bhi mashware ke liye hum se aaj hi raabta kar sakte hain!
03061776585